Deklaratë mbi kukit dhe teknologjitë e gjurmimit

Kur vizitoni ose ndërveproni me faqet, shërbimet, aplikacionet, mjetet ose mesazhet tona, ne ose ofruesit tonë të autorizuar të shërbimeve mund të përdorim kuki, sinjalizues uebi dhe teknologji të tjera të ngjashme për ruajtjen e informacionit për t'ju ofruar një përvojë më të mirë, më të shpejtë dhe më të sigurt, si dhe për qëllime reklamimi.

Kjo faqe është ndërtuar që t'ju ndihmojë të kuptoni më tepër rreth këtyre teknologjive dhe përdorimit të tyre në faqet si dhe në shërbimet, aplikacionet dhe mjetet tona. Më poshtë jepet një përmbledhje e disa çështjeve kryesore që duhet të dini rreth përdorimit të këtyre teknologjive nga ana jonë. Më poshtë mund të shikoni përmbajtjen e plotë të Njoftimit të përdoruesve për kukit.

Kukit dhe teknologjitë tona të ngjashme kanë funksione të ndryshme. Ato janë të nevojshme për funksionimin e shërbimeve tona, na ndihmojnë të përmirësojmë performancën, ju japin funksionalitete shtesë ose na ndihmojnë t'ju paraqesim reklama të përshtatshme dhe të synuara. Ne përdorim kuki dhe teknologji të ngjashme që mbeten në pajisjen tuaj vetëm për aq kohë sa e mbani shfletuesin aktiv (kuki sesioni) si dhe kuki dhe teknologji të ngjashme që mbeten në pajisjen tuaj për një periudhë më të gjatë (të përhershme). Ju mund t'i bllokoni, fshini ose çaktivizoni këto kuki nëse pajisja e lejon këtë gjë. Mund të menaxhoni kukit tuaj dhe preferencat e tyre në cilësimet e shfletuesit ose pajisjes.

Kur është e mundur, zbatohen masa sigurie për të parandaluar qasjen e paautorizuar në kukit dhe teknologjitë tona të ngjashme. Një identifikues unik garanton se vetëm ne dhe/ose ofruesit e autorizuar të shërbimeve kemi qasje në të dhënat e kukit.

Ofruesit e shërbimeve janë shoqëri që na ndihmojnë me aspekte të ndryshme të biznesit, si p.sh. me operacionet e faqes, shërbimet, aplikacionet, reklamat dhe mjetet. Ne përdorim disa ofrues të autorizuar shërbimesh për t'ju shfaqur reklama të përshtatshme në shërbimet tona dhe në vende të tjera në internet. Këto ofrues shërbimesh mund të vendosin gjithashtu kuki në pajisjen tuaj përmes shërbimeve tona (kuki të palëve të treta). Gjithashtu, ata mund të mbledhin të dhëna që i ndihmojnë për të identifikuar pajisjen tuaj, si p.sh., adresën e IP-së ose identifikues të tjerë unikë ose të pajisjes.

Ashtu si shumica e faqeve, edhe ne përdorim teknologji që në thelb janë skedarë të vegjël të dhënash që vendosen në kompjuterin tuaj, tabletin, telefonin celular ose në pajisje të tjera (të përmendura bashkërisht si "pajisje"), të cilat na lejojnë të regjistrojmë disa copëza informacioni sa herë që vizitoni ose ndërveproni me faqen, shërbimet, aplikacionet, mesazhet dhe mjetet tona.

Emrat dhe llojet specifike të kukive, sinjalizuesve të uebit dhe teknologjive të tjera të ngjashme që përdorim mund të ndryshojnë me kalimin e kohës. Për t'ju ndihmuar që të kuptoni më mirë këtë politikë dhe përdorimin e këtyre teknologjive nga ana jonë, në vijim kemi paraqitur një përmbledhje të terminologjisë dhe përkufizimeve:

Kuki – Skedarë të vegjël teksti (zakonisht përbëhen nga germa dhe numra) që vendosen në memorien e shfletuesit ose pajisjes tuaj kur vizitoni një faqe interneti ose kur shikoni një mesazh. Kukit i mundësojnë një faqeje interneti që të njohë një pajisje ose shfletues të caktuar. Ekzistojnë disa lloje kuki:

• Kukit e sesionit skadojnë në fund të sesionit të shfletuesit dhe na lejojnë që të lidhim veprimet tuaja gjatë atij sesioni specifik të shfletuesit.
• Kukit e përhershëm ruhen në pajisjen tuaj ndërmjet sesioneve të shfletuesit, dhe na lejojnë të mbajmë mend preferencat ose veprimet në faqe të ndryshme.
• Kukit e palës së parë vendosen nga faqja që po vizitoni.
• Kukit e palës së tretë vendosen nga një faqe palë e tretë, e ndryshme nga faqja që po vizitoni.

Kukit mund të çaktivizohen ose hiqen përmes veglave që janë të disponueshme në shumicën e shfletuesve tregtarë. Preferencat duhet të përcaktohen në mënyrë të veçantë për çdo shfletues që përdorni dhe shfletues të ndryshëm ofrojnë funksione dhe opsione të ndryshme.

Sinjalizuesit e uebit – Imazhe të vogla grafike (të njohura gjithashtu si “etiketa pikseli” ose “GIF-e transparente”) që mund të përfshihen në faqet, shërbimet, aplikacionet, mesazhet dhe mjetet tona, dhe që funksionojnë zakonisht në kombinim me kukit për të identifikuar përdoruesit tanë dhe sjelljet e tyre.

Teknologjitë e ngjashme – Teknologjitë që ruajnë informacione në shfletuesin ose pajisjen tuaj duke përdorur objekte të ndara lokale ose hapësirë magazinimi lokale, si kukit flash, kukit HTML 5, si dhe metoda të tjera të softuerëve të aplikacioneve të uebit. Këto teknologji mund të operojnë në shfletuesit tuaj dhe në disa raste mund të mos menaxhohen plotësisht nga shfletuesi juaj, por mund të kenë nevojë për menaxhim të drejtpërdrejtë përmes pajisjes ose aplikacioneve të instaluara. Ne nuk i përdorim këto teknologji për të ruajtur informacione me qëllim shfaqjen e reklamave të personalizuara në faqet tona ose jashtë tyre.

Në politikat tona, termat "kuki" ose "teknologji të ngjashme" mund të përdoren në mënyrë të këmbyeshme për t'ju referuar të gjitha teknologjive që mund të ruajnë të dhëna në shfletuesin apo pajisjen tuaj, ose që mbledhin informacione për të na ndihmuar që t'ju identifikojmë në mënyrën e përshkruar më sipër.

Pse përdorim kuki
Kukit dhe teknologjitë tona të ngjashme kanë funksione të ndryshme. Ato janë të nevojshme për funksionimin e shërbimeve tona, na ndihmojnë të përmirësojmë performancën, ju japin funksionalitete shtesë ose na ndihmojnë t'ju paraqesim reklama të përshtatshme dhe të synuara. Ne përdorim kuki sesioni dhe të përhershëm, si dhe teknologji të ngjashme.

Në përgjithësi, këto teknologji i lejojnë faqet, shërbimet, aplikacionet dhe mjetet tona që të ruajnë informacione të rëndësishme në shfletuesin ose pajisjen tuaj dhe më vonë i lexojnë ato informacione për të identifikuar pajisjen në serverët ose sistemet tona të brendshme. Sipas rastit, ne mbrojmë kukit dhe teknologjitë e tjera të ngjashme për të garantuar interpretimin e tyre vetëm nga ana jonë dhe/ose e ofruesve tanë të autorizuar të shërbimeve, duke i caktuar një identifikues unik që shërben për këtë qëllim.

Përdorimi i këtyre teknologjive nga ana jonë klasifikohet në një nga kategoritë e përgjithshme në vijim:

1. Thelbësore. Ne mund të përdorim kuki, sinjalizues uebi ose teknologji të tjera të ngjashme, të cilat janë të nevojshme për funksionimin e faqes, shërbimeve, aplikacioneve dhe veglave tona. Këtu përfshihen teknologjitë që ju japin qasje në faqet, shërbimet, aplikacionet dhe mjetet tona; që janë të nevojshme për të identifikuar sjelljet e dyshimta në faqe, për të parandaluar aktivitetet mashtruese dhe për të përmirësuar sigurinë; ose për t'ju mundësuar shfrytëzimin e funksioneve tona si shportat e blerjes, kërkimi i ruajtur ose funksione të ngjashme;
2. Të lidhura me performancën. Ne mund të përdorim kuki, sinjalizues uebi ose teknologji të tjera të ngjashme për të vlerësuar performancën e faqeve të internetit, aplikacioneve, shërbimeve dhe veglave tona, edhe në kuadër të praktikave analitike për të kuptuar se si vizitorët i përdorin faqet tona, nëse kanë ndërvepruar me mesazhet, për të përcaktuar nëse kanë parë një artikull ose lidhje, ose për të përmirësuar përmbajtjen e faqes së internetit, aplikacioneve, shërbimeve ose veglave tona;
3. Të lidhura me funksionalitetin. Ne mund të përdorim kuki, sinjalizues uebi ose teknologji të tjera të ngjashme që na lejojnë t'ju ofrojmë më shumë funksionalitete gjatë qasjes ose përdorimit të faqeve, shërbimeve, aplikacioneve ose veglave tona. Këtu mund të përfshihet identifikimi juaj në momentin e hyrjes në faqet tona ose ruajtja e preferencave të specifikuara, interesave ose artikujve të parë në të kaluarën, me qëllim që të mund të përmirësojmë shfaqjen e përmbajtjeve në faqet tona;
4. Të lidhura me reklamimin ose synimet.  Ne mund të përdorim kuki të palës së parë ose të palës së tretë për të paraqitur përmbajtje, duke përfshirë reklama që lidhen me interesat tuaja, në faqet tona ose të palëve të treta.  Këtu përfshihet përdorimi i teknologjive për të kuptuar dobinë që sjellin reklamat dhe përmbajtja që ju është shfaqur, si p.sh. për të kuptuar nëse keni klikuar në një reklamë.

Çdo informacion personal që ne mbledhim dhe ruajmë përmes përdorimit të këtyre teknologjive për kategoritë e mësipërme 2 deri në 4, bazohet në miratimin tuaj, i cili merret përmes konfirmimit tuaj të qartë gjatë vizitës së parë në faqen tonë të internetit.  Këtë miratim mund ta anuloni në cilësimet e shfletuesit, siç shpjegohet më poshtë.

Për informacione specifike mbi shfletuesin dhe mënyrën e përshtatjes së konfigurimeve të kukit në shfletuesit në vijim, klikoni në lidhjen më poshtë:

- Internet Explorer

- Firefox

- Chrome

- Safari

- OSX/Mac OS

- iOS

Ne mund të punojmë me shoqëri palë të treta që njihen zakonisht si ofrues shërbimesh dhe të cilët janë të autorizuar të vendosin kuki të palës së tretë, sinjalizues uebi ose teknologji të ngjashme për ruajtjen e informacionit në faqet tona ose në shërbimet, aplikacionet dhe mjetet pa lejen tonë. Këto ofrues shërbimesh na ndihmojnë që t'ju ofrojmë një përvojë më të mirë, më të shpejtë dhe më të sigurt.

Këto ofrues shërbimesh mund të përdorin këto teknologji për të na ndihmuar që t'ju shfaqim përmbajtjen dhe reklamat tona, si dhe të realizojmë metrika dhe analitikë anonime të faqes. Ne nuk lejojmë asnjë prej këtyre ofruesve të shërbimeve që të mbledhin të dhëna personale në faqet ose në shërbimet, aplikacionet ose mjetet tona për qëllime të tyre. Këto ofrues shërbimesh i nënshtrohen marrëveshjeve të konfidencialitetit të lidhura me ne si dhe kufizimeve të tjera ligjore për përdorimin ose mbledhjen e të dhënave personale. Kukit e palëve të treta mbulohen nga politika e privatësisë së palëve të treta.

Me përjashtim të përdorimit të këtyre teknologjive nga ofruesit tanë të shërbimeve ose nga palë të tjera të treta të autorizuara, ne nuk lejojmë që përmbajtjet e palëve të treta në faqe (si renditja e artikujve, komunikimet ndërmjet anëtarëve, renditjet e klasifikuara, komentet, rishikimet etj.) të përfshijnë ose përdorin kuki, sinjalizues të uebit, hapësira lokale të magazinimit ose teknologji të ngjashme për qëllime gjurmimi ose për mbledhjen e të dhënave tuaja personale. Nëse mendoni se një renditje ose përmbajtje tjetër e palës së tretë mund të jetë duke mbledhur të dhënat tuaja personale ose mund të jetë duke përdorur teknologji gjurmimi në një nga faqet tona, raportoni në phishing@paypal.com.

Ne mund të përdorim palë të treta, të tilla si shkëmbimet dhe rrjetet e reklamimit, me qëllim që t'ju paraqesim reklama. Këta ofrues palë të treta të shkëmbimit dhe rrjeteve të reklamave mund të përdorin kuki të palëve të treta, sinjalizues uebi ose teknologji të ngjashme për të mbledhur informacionin rreth vizitës suaj në faqen tonë ose diku tjetër në internet. Ata mund të mbledhin gjithashtu numrin e identifikimit të pajisjes, adresën e IP-së ose identifikuesin për reklamat (IDFA). Informacioni i mbledhur nga këto palë të treta mund të përdoret për t'ju shfaqur reklama më të përshtatshme në faqet tona ose diku tjetër në internet. Kukit e palëve të treta mbulohen nga politika e privatësisë së palëve të treta. 

Për më shumë informacione mbi kukit që lidhen me reklamat e palëve të treta, reklamat e bazuara në interesa dhe heqjen dorë nga kjo praktikë nga ana e shoqërive që marrin pjesë në vetërregullimin e industrisë, vizitoni faqen e internetit më poshtë, bazuar në vendin e origjinës:

• Zgjedhjet tuaja online
• Informacione rreth reklamave
• AboutCookies.org

Ligji i Kalifornisë na kërkon që t'ju njoftojmë mbi mënyrën se si i përgjigjemi sinjaleve "Mos gjurmo (DNT)" në faqen e internetit. Duke qenë se aktualisht nuk ka një standard ligjor ose të industrisë për njohjen ose pranimin e sinjaleve DNT, për momentin ne nuk i përgjigjemi këtyre sinjaleve. Ne presim rezultatin e punës së realizuar nga industria dhe komuniteti i privatësisë për të përcaktuar rastet kur është e përshtatshme një përgjigje, si dhe formën e saj.